Samanlögð bein eða óbein koltvísýringslosun í verkefnum sem NEFCO fjármagnaði árið 2009 var yfir 2,5 milljón tonn sem er álíka mikið og 65% af koltvísýringslosun Íslands árið 2007.
NEFCO samþykkti samtals 50 verkefni árið 2009 í gegnum fjárfestingarsjóð sinn og aðra sjóði í stýringu þess. Það verður að teljast gott með tilliti til þess að efnahagsástandið í þeim löndum sem NEFCO starfar aðallega í, Rússlandi og Úkraínu, er ennþá erfitt. Þau verkefni sem samþykkt voru eru meðal annars á sviði endurnýjunar í skolphreinskerfum, uppbyggingu á endurnýjanlegum orkugjöfum, orkunýtingu, bættri meðhöndlun sorps og hreinni framleiðslu.

Hagnaður félagsins eftir skatt á árinu 2009 var 14,7 milljón evrur eða um 2,6 milljarðar króna, sem að stórum hluta er tilkominn vegna sölu á hlutabréfum vegna fjárfestinga NEFCO. Fjármagn í stýringu NEFCO óx um 17% og stendur í um 383 milljónum evra.

- Þrátt fyrir alheimskreppu og minnkandi umsvif í Eystrasaltsríkjunum hefur NEFCO náð að tryggja sér stöðugt verkefnisflæði á sama tíma og mörg verkefni gefa af sér mikil umhverfisvæn áhrif sem hefur jákvæð áhrif á skýrslu okkar um stöðu umhverfismála, segir framkvæmdastjóri NEFCO, Magnus Rystedt.

Til markverðra tíðinda á árinu 2009 má nefna að í september skrifaði NEFCO undir samning við stjórnvöld í Úkraínu sem gerir NEFCO kleift að fjármagna verkefni með áherslu á orkunýtingu í fasteignum í eigu sveitarfélaga í Úkraínu. Í september var stofnað til verkefnisfjármögnunar, Nordic Climate Facility, ásamt Norræna þróunarsjóðnum (NDF). Þetta verkefni gerir NEFCO kleift að taka þátt í undirbúningi loftslagsverkefna í þróunarlöndum.

Kolefnasjóður, NEFCO (NeCF), sem var stofnaður árið 2008 jók fjármagn sitt um 24 milljónir evra í fyrra. Sjóðurinn fjárfesti meðal annars í losunarheimildum í tengslum við verkefni í vatnsveitum í Vietnam og orkýtingu í sementsiðnaði í Kína. Heildarfjármagn tveggja kolefnissjóða NEFCO er um 135 milljónir evra.

Norræna Umhverfisfjármögnunarfélagið, NEFCO, er alþjóðleg fjármálastofnun með aðsetur í Helsinki í Finnlandi. NEFCO var stofnað árið 1990 af ríkisstjórnum Norðurlandanna. Meginmarkmið NEFCO er að fjármagna arðsöm umhverfisverkefni í nærliggjandi svæðum Norðurlandanna, Rússlandi, Úkraínu, Hvíta-Rússlandi, Eistlandi, Lettlandi og Litháen. NEFCO hefur nú yfir að ráða sjóðum sem nema alls um 383 miljónum evra.

Frekari upplýsingar:
Magnus Rystedt, Framkvæmdastjóri  NEFCO, +358 50 329 6224
Karl-Johan Lehtinen, Umhverfissérfræðingur NEFCO, +358 40 593 1239
Mikael Sjövall, upplýsingafulltrúi NEFCO, +358 50 3535 045